श्रीमानले श्रीमतीलाई जिउँदै जलाएर हत्या गरेको घटनामा नयाँ रहस्य

काठमाडौं, २६ वैशाख । धनुषामा श्रीमानले श्रीमतीलाई जिउँदै जलाएर हत्या गरेको घटनामा नयाँ रहस्य खुलेको छ । भाउजूसँगको प्रेम लुकाउन मुकेश गोइतले श्रीमती निर्मला यादवलाई जिउँदै आगो लगाइ हत्या गरेको रहस्य खुलेको हो । प्रहरी अनुसन्धानका क्रममा यस्तो रहस्य खुलेको हो । धनुषाको शहिद नगरपालिका १ स्थित पुरवारी टोल चिरैया बस्ने मुकेशले वैशाख ५ गते श्रीमती निर्मलाको शरीरमा मट्टितेल छर्केर आगो लगाएका थिए ।

भान्छामा काम गरिरहेकी निर्मलालाई मुकेशले आगो लगाएका थिए । घटनामा निर्मलाको शरीरको छाला ७० प्रतिशत जलेको थियो । छिमेकी सहितले उद्दार गरेपछि उनलाई जनकपुर अञ्चल अस्पताल पुर्याइएको थियो । त्यहाँ उपचार सम्भव नभएपछि निर्मलालाई काठमाडौं ल्याइएको थियो । उपचारका क्रममै वैशाख १६ गते निर्मलाको मृत्यु भएको थियो ।

विवाहअघि नै भाउजू श्यामादेवी यादवसँग मुकेशको प्रेम रहेको खुलेको छ । भाउजुसंग प्रेम रहेका मुकेशले विवाह गरेपछि पनि उनीहरुबीचको सम्बन्ध कायम थियो । मुकेशको विवाह पछि पनि उनीहरु दुईजना छुट्टिन नसकेपछि निर्मलाको हत्या गरेको धनुषाका एसपी शेखर खनालले बताए । निर्मलासँग विवाह १० महिना नवित्दै मुकेशले उनलाई जलाएका थिए ।

भाउजुसंगको प्रेम भएकै कारण श्रीमान श्रीमतीबीच झगडा सुरु भएको थियो । निर्मलाले उनीहरुबीचको सम्बन्ध थाहा पाएपछि सम्बन्धमा चिसोपन आएको थियो । अनुसन्धानमा रहेका एसपी खनालका अनुसार श्यामादेवीकै कारण मुकेश र निर्मलाबीच झगडा हुन थालेपछि उनले नै जिउँदै जलाएर हत्या गर्ने योजना बनाएकी थिइन् । निर्मलालाई मट्टीतेल छर्केर आगो लगाएसँगै मुकेश भागेका थिए ।



Basundhara -3 Kathmandu Nepal

सुचना बिभाग दर्ता नं - ११६६ /०७५/०७६
अध्यक्ष - रतन बहादुर चन्द
सम्पर्क न - ००९७७-९८६०९७५७७४
ईमेल - [email protected]
ब्यवस्थापक - ज्ञानेन्द्र प्रसाद भट्ट

हाम्रो बारेमा

Niatra Multi Media Pvt. Ltd.
सम्पादक - बिवेक विक्रम मल्ल
संवाददाता - अन्जनी चन्द
फोटो पत्रकार - आशिष न्यौपाने
इमेल - [email protected]

सामाजिक सञ्जालमा हामी

© 2017 Niatratv