काठमाण्डौं, भाद्र २३ । गैर आवासिय नेपाली संघ जापानको अध्यक्षमा देबिलाल भण्डारी निर्वाचित हुनु भएको छ । संघको जापानमा जारी नवौं महाधिवेशन अन्तर्गत नयाँ नेतृत्वका लागि भएको निर्वाचनमा भण्डारी बिजयी हुनुभएको हो ।

भण्डारीले निकटम प्रतिद्धन्दी बर्तमान अध्यक्ष टासी लामालाई पाँच सय पचासी मत ल्याउँदै चौंतिस मतको फराकिलो मतले पराजित गर्नु भएको हो ।

यसैगरि बरिष्ठ उपाध्यक्षमा अनिता गुरुङ निर्वाचित हुनु भयो भने । महासचिवमा जनक बिक्रम शाही, सहकोषाध्यक्षमा सचिन श्रेष्ठ,युवा संयोजकमा राम थापा निर्वाचित हुनु भएको छ । कोषाध्यक्षमा भने कालिका थापा निर्विरोध चयन हुनुभएको थियो ।

सदस्यमा राजेश खनाल, सुपेन्द्र घिसिङ,बाबुराम खराल कटुवाल,महेश कुमार, डिला राम गैरे,सीबु थापा र जीवन कुमार गुरुङ निर्वाचित हुनु भएको छ ।