कोरोना भाइरस संक्रमणको आशंकामा बुटवलमा एक जनालाई अस्पतालमा भर्ना

बुटवल,फागुन ३० । कोरोना भाइरस संक्रमणको आशंकामा बुटवलमा एक जनालाई अस्पतालमा भर्ना गरिएको छ । २१ वर्षका एक युवकलाई बुटवलस्थित लुम्बिनी प्रादेशिक अस्पतालको आइसोलेसनमा राखिएको अस्पतालका एक डाक्टरले बताए । २१ वर्षीया ती युवामा निमोनियासहितका लक्षण देखिएपछि आइसोलेसनमा राखिएको छ। उनी बिहीबार अस्पतालमा उपचारका लागि आएका थिए।

ती युवक विदेशीसहितको एक कार्यक्रममा सहभागी भएको अस्पतालले जनाएको छ। रुपन्देहीका विभिन्न अस्पतालमा करिव २ दर्जन आइसोलेसन वार्ड बनाइएको छ। पहिलो पटक कोरोना आशंकामा बिरामी भर्ना गरिएको हो।

त्यस्तै कोरोना भाइरस (कोभिड १९) को आशंकामा सात जना बिरामी आइसोलेसन वार्डमा भर्ना भएका छन्। शुक्रराज ट्रोपिकल तथा सरुवा रोग अस्पतालमा पाँच र पाटन अस्पतालमा दुई जना बिरामी कोरोनाको आशंकामा आइसोलेसन वार्डमा भर्ना भएका हुन्।

शुक्रराज अस्पतालमा बिहीबार मात्र एक जना महिला भर्ना भएकी छिन्। अमेरिकाबाट नेपाल आएकी ती महिलालाई कोरोनाको आशंकामा भर्ना गरिएको अस्पतालका प्रवक्ता डा अनुप बाँस्तोलाले जानकारी दिए। उनको शुक्रबार र बाँकी चार जनाको बिहीबार बेलुकीसम्म रिपोर्ट आउने उनले बताए।

हालसम्म राष्ट्रिय जनस्वास्थ्य प्रयोगशालामा ४ सय ५० जनाको नमुना परीक्षण गरिएको छ। जसमध्ये एक जनामा मात्र कोरोनाको संक्रमण पुष्टि भएको थियो।

कोरोनाको उपचारका लागि काठमाडौंमा विभिन्न अस्पतालका १ सय ५५ वटा आइसोलेसन वार्ड तयारी अवस्थामा राखिएको स्वास्थ्य तथा जनसंख्या मन्त्रालयले जनाएको छ।



Basundhara -3 Kathmandu Nepal

सुचना बिभाग दर्ता नं - ११६६ /०७५/०७६
अध्यक्ष - रतन बहादुर चन्द
सम्पर्क न - ००977-9818610415
ईमेल - [email protected]il.com
ब्यवस्थापक - ज्ञानेन्द्र प्रसाद भट्ट

हाम्रो बारेमा

Niatra Multi Media Pvt. Ltd.
सम्पादक - बिवेक विक्रम मल्ल
संवाददाता - अन्जनी चन्द
फोटो पत्रकार - आशिष न्यौपाने
इमेल - [email protected]

सामाजिक सञ्जालमा हामी

© 2017 Niatratv