न्यायालयको दैलोमा पुष्पाको १ महिना -रतन चन्द (लेख)

काठमाण्डौं,भदौ २३ । पुष्पा अधिकारीले संचालन गरेको केयर बाल गृहमा रहेका ११ बालिका राष्ट्रिय बाल अधिकार परिषदले उठाएको आज १ महिना नाघेको छ । महिना बिती सक्दा पनि केयर बालगृहका तर्फबाट सर्वच्चमा हालेको रिटको फैसला हुन सकेको छैन ।

बालिकाहरुको सर्वत्तम हितका लागि भन्दै परिवारलाई नै जिम्मा लगाउन कम्मर कसेको परिषदलाई पनि यतीबेला ती बालिकाहरु निल्नुन ओकल्नु जस्तै भएको छ । देश कोरोना सँग लडी रहेको छ । बिभिन्न जिल्लाहरुमा निषेधाज्ञा जारी छ । उक्त बालिकाहरुका अभिभावक नत काठमाण्डौमा छन नत राजधानी बाहिर लान सक्ने स्थिती छ र पनि सरोकार निकाय भन्छ जुनसुकै हालतमा बालिकाका आफन्तहरुलाई जिम्मा लगाइने छ ।

ती बालिकाहरु अध्ययन गर्ने बिद्यालयका प्रधानाध्यापकका अनुसार नियमित पढ्ने र जेहेन्दार विद्यार्थी रहेको कुरा स्पष्ट पारेका छन । रेखदेख र हेरचाहमा कुनै कमी नरहेको पनि बालिकाहरुको दैनिक कृयाक्लापले प्रस्ट पारेको छ ।

केयर बाल गृहको जुन कोठामा बसेर भबिश्यको मिठो सपना बुनेका ती बालिकाहरुले आज सोही घर र संचालिका पुष्पालाई चिन्दैनौ भन्न थालेका छन ।

आखिर यो कसरी भयो त ?

जो कोहिले पनि जिज्ञासु भएर गोत्लिंदा उद्दारका नाममा बालिका उठाएर लागेका सरोकारवालाहरुकै पहलमा सम्भव हुन सक्ने सजिलै अनुमान गर्न सक्छ । उमेरका अनुसार जस्लाई आफ्नै आमा बाबु र परिवारजनका बारेमा सही बिवरण थाहा छैन, सही नाम र ठेगाना थाहा छैन, ती बालिकाहरुले आज सहजरुपमा आफ्ना परिवार र आफ्नो जन्म स्थान भन्न सक्छन । फर्केर त्यही गाउँमा जान चाहन्छु भन्छन ।

“केयर बाल गृह” जहाँ उनीहरुले जीवनका सुख दु:खका समय बिताए,आफुले अध्ययन गर्ने कलमकापी छुटाए । यहाँ सम्म की आफुले लगाउने चप्पल समेत लगाउन नदिएर उठाए । त्यो घर र आमा सरह नै पालनपोषण गरिरहेकी पुष्पा अधिकारीलाई चिन्दिन भन्न सिकाउनु कत्तीको न्याय र जायज हो ?

हाँस्ने खेल्ने र जीवन सुन्दर बनाउने सपना सजाउने घर  नै चिन्दैन भन्ने पाठ सिकाउने शक्ती घर नामक ‘हिमाली नबिन समाज’ संस्था कस्तो होला, झनै कुतुहलता जागेको छ । त्यसैले यतिबेला ती अबोध बालिकाहरुलाई कालोलाई सेतो र सेतोलाई कालो भन्ने पाठ नै सिकाउन सक्ने,बालिकालाई अस्थाई आश्रय दिने ‘हिमाली नबिन समाज’  पनि संकाको घेरामा परेको छ । किनकी कसैको स्वार्थका लागि सामाजिक दायित्व बोकेकेको संस्था र त्यहाँ रहेका कर्मचारी प्रयोग हुनु राज्यका लागि घातक हुन सक्छ ।

सरोकारवाल निकायले अपहरण शैलिमा उठाएका बालिका कुनै दिन त्यो कैदखानाबाट बाहिर आउनासाथ स्वतन्त्र भई आफु हुर्केको ‘केयर बाल गृह’ र पुष्पा अधिकारी बारे सकारात्मक कुरा ओकल्न थाले भने के हविगत होला “हिमाली नबिन समाज” नामक संस्था र सरोकारवाला निकायको ।

युट्युबरको क्षणिक स्वार्थमा प्रयोग हुँदा अनावश्यक बदनाम भएकी पुष्पाले ढकढक्याएको न्यायलयको दैलो र न्यायमुर्तीको कालो पट्टी भित्रको सत्य तथ्य फैसलाको पर्खाईमा सर्वसाधारण पनि पक्कै होलान । त्यो भने हेर्न बाँकी छ ।

गत साउन २१ गते राष्ट्रिय बाल अधिकार परिषदले ११ बालिका असुरक्षित भएको भन्दै केयर बाल गृहबाट उद्दार गरे पछी सो बाल गृह कि अध्यक्ष पुष्पा अधिकारी र परिषद बिचको मुद्दा सर्वच्च अदालत सम्म पुगेको  हो ।



Basundhara -3 Kathmandu Nepal

सुचना बिभाग दर्ता नं - ११६६ /०७५/०७६
अध्यक्ष - रतन बहादुर चन्द
सम्पर्क न - ००977-9818610415
ईमेल - [email protected]
ब्यवस्थापक - ज्ञानेन्द्र प्रसाद भट्ट

हाम्रो बारेमा

Niatra Multi Media Pvt. Ltd.
सम्पादक - बिवेक विक्रम मल्ल
संवाददाता - अन्जनी चन्द
फोटो पत्रकार - आशिष न्यौपाने
इमेल - [email protected]

सामाजिक सञ्जालमा हामी

© 2017 Niatratv