काठमाण्डौ,पौष २० । चर्चित गायक एबं सर्जक बिमलराज क्षत्रीको नयाँ गीत “जाम हिड धनगढी , सुवा हुँदैन गडबडी” को छायांकन सकिएको छ । बिमलराज क्षत्रीको स्वर रहेको उक्त गीतमा उनकै धर्मपत्नी टिका कुमारी क्षत्रीले स्वरमा साथ दिएकी छिन् । सो गीतलाई जिवन बडुले एरेञ्ज गरेका हुन् । यस गीतलाई दोलालघाटको रमणिय स्थलहरुमा छायांकन गरिएको छ ।

अहिले सोही गीतको भिडियो सम्पादन कार्य भईरहेको कुरा निर्माण पक्षले जानकारी गराएको छ । सोही गीतको भिडियोलाई दिलिप ओखेडाले निर्देशन गरेका हुन् भने ज्ञानेन्द्र शर्माले छायांकन गरेका हुन् ।
उक्त गीतको भिडियोमा चर्चित कलाकार चेत बहादुर सिंह राजा, चर्चित नायिका तथा मोडल आशा भुषाल, दिलिप ओखेडा, सुनिता पौडेलको अभिनय रहेको छ । यस गीतलाई पक्कै पनि बिगतका गीतहरुलाई झै माया गरिदिनका लागी गायक बिमलराज क्षत्रीले अनुरोध गर्दै केही दिनमा भिडियो सार्वजनिक हुने जानकारी गराएका छन् ।