काठमाण्डौं , ४ मङ्सीर । नायक बिपिन कार्की दुर्घटनामा परेका छन् । मंगलबार बिहान बाइक दुर्घटनामा पर्दा बिपिनको दाहिने खुट्टा भाँचिएको एक्सरेमा देखिएको निर्देशक प्रदीप भट्टराईले जानकारी दिए ।

बिपिनको यतिबेला बल्खुस्थित बयोधा अस्पतालमा उपचार भैरहेको छ । चलचित्र ‘जात्रै जात्रा’को छायाँकनमा जाँदै गर्दा बिपिन कालिमाटीमा बाइक दुर्घटनामा परेका हुन् । विपिन चढेको मोटरसाइकललाई अर्को मोटरसाइकलले ठक्कर दिएको थियो । बिपिन दुर्घटनामा परेपछि ‘जात्रै जात्रा’को छायाँकन रोकिएको छ । ‘जात्रै जात्रा’ फागुन १७ गते प्रदर्शनमा आउँदैछ ।