काठमान्डौ २७ मङ्सीर । बहुप्रतिक्षित चलचित्र क्याप्टेनको प्रेमरसमा आधारित ‘रहर छ सँगै’ बोलको गीतको भिडियो सार्वजनीक भएको छ । बिहीवार क्यु एस सिनेमा हलमा चलचित्र क्याप्टेनका सबै जसो कलाकारको उपस्थितिमा पत्रकार माझ उक्त गीतको भिडियो सार्वजनिक भएको हो ।

सुगम पोखरेल र अन्जु पन्तको आवाज रहेको उक्त गीतमा दिग्गज धौरालीको शब्द,अर्जुन पोखरेलको संगीत र कबिराज गहतराजको कोरियोग्राफी रहेको छ ।

चलचित्रका नायक अनमोल केसी र नायिका उपासना सिंह ठकुरीलाई उक्त भिडियोमा देख्न पाईन्छ । चलचित्रलाई भुवन के सी ले निर्माण गरेका हुन भने दिवाकर भट्टराईले निर्देशन गरेका छन । चलचित्रमा अनमोल र उपासनाको साथमा प्रियंका एमभी, सुनिल थापा, प्रशान्त ताम्राकार, विल्सन विक्रम राई लगायतका कलाकारको मुख्य भूमिका रहेको छ । चलचित्र फागुन १७ गतेबाट यो चलचित्र रिलिज हुँदैछ ।