टेक्सास, बैशाख ५ । नेपाली समाज टेक्सासले आजीवन सदस्यता बितरणका लागि समिती गठन गरेको छ । सो संस्थाले एन एस टि मेम्बरशिप ड्राइवको संयोजकमा मधुकर शर्मालाई नियुक्ती गरेको हो । उक्त संस्थाले यस बर्ष आफ्नै भवन बनाउन लागेको छ, जस्मा सभा हल र बिद्यार्थीहरुका लागि छुट्टै थप कोठा बनाउने योजना रहेको जनाएको छ ।

टेक्सासमा रहेका नेपालीबासीहरुलाई एकत्रित गरी संस्थामा आबद्ध हुने बातावरण सिर्जना गर्नेमा संयोजक सफल हुने विश्वाश लिएको एन एस् टि का महासचिव भक्त भण्डारी ले हामीलाई बताए ।
नेपाली समाज टेक्सासले २०१८ मा आजीवन सदस्यतालाई मात्र मताधिकार दिने निर्णय गरेको थियो । त्यसै निर्णयलाई निरन्तरता दिन अहिले आजीवन सदस्यता बढाउन लागेको संयोजक शर्माले बताए ।यस बाहेक अरु पनि थप योजना रहेको जनाए ।