काठमाण्डौं,बैशाख २७ । नेत्रविक्रम चन्द ‘विप्लव’ नेतृत्वको नेकपाको बिधार्थी संगठन अखिल (क्रान्तिकारी) का केन्द्रीय अध्यक्ष पक्राउ परेका छन् । क्रान्तिकारीका अध्यक्ष चिरञ्जीवी ढकाललाई प्रहरीले शुक्रबार पक्राउ गरेको हो।

ढकाल अनामनगरस्थित युनियन हाउसमा आयोजित कार्यक्रममा सहभागी हुन आएका बेला प्रहरीले उनलाई कार्यक्रम स्थलबाटै पक्राउ गरेको हो ।

महानगरीय प्रहरी परिसर काठमाडौँका एसएसपी उत्तमराज सुवेदी ढकालको पक्राउको पुष्टि गरेका छन् । पक्राउ परेका ढकालमाथि आवश्यक अनुसन्धान भइरहेको एसएसपी सुवेदीले बताए ।

पछिल्लो समय प्रहरीले विप्लवका नेता तथा कार्यकर्ताविरुद्ध व्यापक धरपकड गर्दै आएको छ।