अर्घाखाँची, जेठ ८ । अर्घाखाँचीको सुपा देउराली दर्शन गरेर बुटवल तर्फ फर्कदै गरेको बस मंगलबार साँझ दुर्घटना हुँदा २५ जना घाइते भएका छन् । लु१ख ७९४१ नम्वरको बस शितगंगा नगरपालिका २ भुवनपाटामा दुर्घटना हुँदा २५ जना घाइते भएको जिल्ला प्रहरी कार्यलय अर्घखाँचीले जनाएको हो ।

घाइते मध्ये ९ जनालाई थप उपचारका लागि भैरहवा मेडिकल कलेजमा रिफर गरिएको छ । अन्य १६ जनाको प्राथमिक स्वास्थ्य केन्द्र ठाडामा उपचार भइरहेको छ ।

बस पूलमाथी आउँदा एक्कासी ब्रेक फेल भई अनियन्त्रित भएपनि बस चालक निकै चनाखो भएर सडकको भित्तामा बस ठोक्काएर ठूलो दुर्घटना हुनबाट जोगाएका थिए ।