पर्सा,असार ९ । मदिरा सेवन गरेर प्रहरीमाथि दुर्ब्यहार गर्ने ७ भारतीय नागरिकलाई प्रहरीले पक्राउ गरेको छ । नेपालमा आएर मदिरा सेवन गरेका ७ जना भारतीय नागरिकले प्रहरी माथि नै आक्रमणको प्रयास गरेका हुन् । उनीहरुविरुद्ध सार्वजनिक अपराधअन्तर्गत मुद्धा चलाउने तयारी गरिएको जिल्ला प्रहरी कार्यालय पर्साले जनाएको छ ।

नेपाल आएर मदिरा सेवन गरी सीमावर्ती भारतीय क्षेत्रतिर फर्कंदै गर्दा चेकजाँचमा क्रममा प्रहरीसंग बिवाद भएको हो । विवाद बढ्दै गएपछि भारतीय नागरिकले कुटपिटको प्रयास गरेका थिए । जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डिएसपी) अनन्तराम शर्माका अनुसार उनीहरुलाई जिल्लाको जिराभवानी गाउँपालिका–१ महादेवपट्टिबाट नियनत्रणमा लिइएको हो ।

भारतको बिहारमा मदिरा निषेधित गरिएको छ । उता मदिरा सेवन गर्न नपाउने भएपछि सीमा क्षेत्रका भारतीय मदिराका लागि नेपाल आउने गरेका थिए ।