काठमाण्डौ ,२१ जेठ । निर्माता तथा बितरक गोविन्द शाही ले निर्माण गरेको चलचित्र ‘लिलिबिली’ ले ५१ औ दिन पार गरेको छ ।

दरबारमार्ग स्थित होटेल वूडल्यान्डमा कार्यक्रम गर्दै टिमले ५१ औ दिन सेलिब्रेसन गरेको छ ।

सोही कार्यक्रम मा शाहीले अर्को चलचित्र ‘लभ स्टेसन’ को औपचारिक घोषणा गरेका छन । काफिया फिल्मस्को ब्यानरमा बन्ने चलचित्रको उज्ज्वल घिमिरेले निर्देशन गर्ने भएका छन ।

सुबाश सिंह बस्नेतको लेखन रहने चलचित्रको नायकमा प्रदिप खड्का रहने पक्का भईसकेको छ भने नायिका र अन्य कलाकार हरु छनौट हुन बाँकी छ ।

असोज देखी छायाङ्कनमा जाने चलचित्रको रिलीज डेट भने फागुन २४ तय गरिएको छ ।