चिनियाँ राष्ट्रपति सीको दुई दिने राजकीय भ्रमणको समीक्षा गर्न नेकपाको सचिवालय बैठक बस्दै

काठमाडौं, असोज।  सत्तारुढ नेपाल कम्युनिष्ट पार्टी (नेकपा) ले चिनियाँ राष्ट्रपति सी जिनपिङले गरेको दुई दिने राजकीय भ्रमणको समीक्षा गर्ने भएको छ ।

चिनियाँ राष्ट्रपति सी को नेपाल भ्रमणको समीक्षा गर्न नेकपाले केन्द्रीय सचिवालय बैठक बोलाएको छ । बैठक मंगलबारका लागि बोलाइएको पार्टी प्रवक्ता नारायणकाजी श्रेष्ठले जानकारी दिएका छन्।

चिनियाँ राष्ट्रपति सी आइतबार दुई दिने नेपाल यात्रा सम्पन्न गरी स्वदेश फर्किएका थिए। उनको भ्रमणबाट नेपाल र चीनको सम्बन्ध नयाँ उचाईमा पुगेको विश्लेषण गरिएको छ।

उनी नेपाल रहँदा केरुङ–काठमाडौँ रेलमार्ग निर्माणका लागि सम्भाव्यता अध्ययन गर्ने, सुरुङ मार्ग निर्माण गर्ने लगायत समझदारी भएको छ । सचिवालय बैठकमा बैठकमा पार्टी एकताका बाँकी कामबारे पनि समीक्षा हुने भएको छ ।

पार्टी अध्यक्ष एवम् प्रधानमन्त्री केपी शर्मा ओलीको कार्यव्यस्तताका कारण सचिवालय बैठक लामो समयदेखि बस्न सकेको थिएन।



Basundhara -3 Kathmandu Nepal

सुचना बिभाग दर्ता नं - ११६६ /०७५/०७६
अध्यक्ष - रतन बहादुर चन्द
सम्पर्क न - ००977-9818610415
ईमेल - [email protected]
ब्यवस्थापक - ज्ञानेन्द्र प्रसाद भट्ट

हाम्रो बारेमा

Niatra Multi Media Pvt. Ltd.
सम्पादक - बिवेक विक्रम मल्ल
संवाददाता - अन्जनी चन्द
फोटो पत्रकार - आशिष न्यौपाने
इमेल - [email protected]

सामाजिक सञ्जालमा हामी

© 2017 Niatratv