काठमाण्डौ ,१० साउन । चलचित्र ‘चि मुसी चि’ को नयाँ गीत सार्वजनिक भएको छ । यसअघि दुई गीत र ट्रेलर सार्वजनिक गरिसकेको चलचित्र ‘चि मुसी चि’ को आज ‘आउ आज मायाको’ बोलको गीत सार्वजनिक गरिएको हो ।

सुरज अधिकारीको शब्द-संगीत रहेको उक्त गीतमा अलमोडा उप्रेतीको स्वर रहेको छ । गीतमा नायक सुनिल क्षेत्री र नायिका अलिशा शर्माले नृत्य गरेका छन् भने कोरियोग्राफी सुनिल आँफैले गरेका छन् ।

दिनेश श्रेष्ठ निर्देशक रहेको चलचित्रमा अरुण कुमार गुरुङ, महेश्वर खत्री, सुवास भुर्तेल, डब बहादुर गुरुङ निर्माता रहेका छन । भोली शुक्रबार देखी प्रदर्सनमा आउन लागेको चलचित्रमा सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवालागयतका कलाकारहरुको अभिनय रहेको छ ।