काठमाण्डौं,चैत २१ । बर्दियाबाट काठमाण्डौंमा आइ ज्याला मजदुरी गर्ने श्रमिकलाई बर्दियाका युवा उद्यमी तथा समाजसेवी हरिशदेव गौतमको नेतृत्वमा राहत स्वरूप खाद्यान्न सामाग्री वितरण गरिएको छ । शुक्रबार काठमाण्डौंको कपन,महाराजगन्ज, र ठमेल आसपासमा रहेका करिब १०० जना मजदुरहरुलाई राहत स्वरुप सहयोग गरिएको हो ।
राहतमा दाल,चामल,नुन,तेल र मसलाको खाद्यान्न सामाग्री वितरण गरेको हो । सो राहत पाए पछी मजदुरहरुले गौतमको समुहलाई धन्यवाद दिएका थिए ।

मजदुरी गरेको पैसा पनि सकिएको र रासन किन्न पनि नपाईएको अवस्थामा पाएको यो सहयोगले हामीलाई धेरै खुशी लागेको एक श्रमिकले बताए ।

यो राहत सहयोग आगामी दिनमा पनि निरन्तर रहने गौतमले जानकारी दिए ।