कोरोनाबाट मृ’त्यु भएकी महिलाको १२ दिने शिशु पनि अस्वस्थ्य, देखियो यस्तो रोग

काठमाण्डौ,जेठ ४ । कोरोनका कारण विहिवार निधन भएकी सुत्केरी महिलाको नवजात शिशु पनि अस्वास्थ्य भएको बताइएको छ । १२ दिनका नवजात शिशुलाई जण्डिस (कमलपित्त) देखिएको छ । आमाको कोरोनाको कारण निधन भएपछि उनको शिशुलाई पनि आइसोलेसना राखिएको छ ।

महिलाको पति र शिशुलाई आइसोलेसनमा भर्ना गरेर स्वास्थ्य परिक्षण गरिएको हो । पतिको स्वाव परिक्षणका लागि पठाइएको छ । शिशुमा भने जण्डिस देखिएको अस्पतालले जनाएको छ । महिलाको स्वास्थ्यमा समस्या देखिएपछि बिहीवार नै उनका पति र नवजात शिशुलाई अस्पतलमा भर्ना गरिएको हो ।

धुलिखेल अस्पतालका प्रवक्ता सुमनराज ताम्राकारले शिशुमा जण्डिस देखिएको पुष्टि गरेका छन् । कोरोना परिक्षणका लागि लिइएको स्वावको रिपोर्ट भने आइनसकेको चिकित्सकले बताएका छन् । त्यसका लागि भोली सम्म कुर्नुपर्ने छ । समय नपुगी शिशु जन्मिएको थियो ।

जेठको २२ गते चिकित्सकले समय दिएको भएपनि वैशाख २४ गते नै शिशुको जन्म भएको थियो । महिलाले नर्मल अवस्थामा नै शिशुलाई जन्मदिएकी थिइन् । शिक्षण अस्पतालमा नर्मल अवस्थामा सुत्केरी भएकी महिला सिन्धुपाल्चोक स्थित घर पुगेपछि वैशाख ३१ गते स्वास्थ्यमा समस्या आएपछि धुलिखेल अस्पताल ल्याइएको थियो । जण्डिस देखिएको शिशुको अहिले आइसोलेसनमा उपचार भइरहेको छ । बालरोग विशेषज्ञसहित स्वास्थ्यकर्मीको टोली शिशुको उपचारमा खटिएको छ।



Basundhara -3 Kathmandu Nepal

Information Department Registration No - 1166 /075/076
President – Ratan Bahadur Chand
Contact- ००977-9818610415/9860975774
Mail - [email protected]
Manager - Gyanendra Prasad Bhatt

About Us

Niatra Multi Media Pvt. Ltd.
Editor - Bibek Bikram Malla
Correspondent - Nabin Timilsina
Photo journalist - Ratan Bahadur Chand
Ashish Neupane

Mail - [email protected]

Us on social media

© 2017 Niatratv