Breaking News:काठमाडौंमा ८१ जनाको र्‍यापिड टेस्ट रिपोर्ट पोजेटिभ

काठमाण्डौं, जेठ ६ । प्रवक्ता डा देवकोटाका अनुसार २ हजार २ सय ३६ जनाको आरडीटी विधिबाट गरिएको परीक्षणमा ८१ जनाको रिपोर्ट पोजेटिभ आएको छ।

डा देवकोटाका अनुसार कालीमाटि क्षेत्रमा आरडीटी विधिबाट ७ सय नमूना परीक्षण गरिएकोमा ३ जनामा आरडीटीको रिपोर्ट पोजेटिभ आएको छ । यस्तै सोही क्षेत्रमा पीसीआर विधिबाट ३ सय ३४ जनाको परीक्षण गर्दा सबैको रिपोर्ट नेगेटिभ आएको डा देवकोटाले जानकारी दिए ।

यस्तै काठमाडौं उपत्यकामा सरसफाइका कर्मचारीहरुको ६ सय ६४ जनाको आरडीटी विधिबाट गरिएको परिक्षणमा ३१ जनामा पोजेटिभ आएको छ । यस्तै २ सय ६७ जनाको पीसीआर विधिबाट परीक्षण गर्दा सबैको रिपोर्ट नेगेटिभ आएका छ ।

यस्तै गोंगबु क्षेत्रमा ४ सय २० जनाको आरडीटी विधिबाट गरिएको परीक्षणमा १५ जनाको नमूना पोजेटिभ आएको छ । यस्तै सो क्षेत्रमा पीसीआर विधिबाट १ सय ७२ कोरोना परीक्षणको लागि नमूना संकलन गरिएको तर रिपोर्ट भने आउन बाँकी रहेको प्रवक्ता डा देवकोटाले बताए ।

यस्तै भृकुटीमण्डम क्षेत्रमा ४ सय ५२ जनाको आरडीटी विधिबाट गरिएको परीक्षणमा ३२ जनाको रिपोर्ट पोजेटिभ आएको छ । डा देवकोटाका अनुसार २ सय ४६ वटा पीसीआर विधिबाट गरिएको परीक्षणको नमूना आउन बाँकी छ ।

स्वास्थ्य मन्त्रालयका प्रवक्ता डाक्टर विकास देवकोटाले आरडीटी विधिबाट पोजेटिभ देखिएका ८१ जनाको अवस्थाबारे भने कुनै जानकारी नभएको बताए ।

डा देवकोटाले भने, ‘आरडीटी पोजेटिभ आएकाहरुको फेरी पीसीआर विधिबाट पनि परीक्षण हुन्छ, आरडीटी पोजेटिभ आउँदैमा आइसोलेट गरेको जानकारी चाँही छैन । उनीहरुको कन्ट्रयाक ट्रेसिङ भए वा नभएको मलाई कुनै जानकारी आएको छैन ।’

आरडीटी परीक्षणको रिपोर्टबारे जानकारी नगराउने तर परीक्षणको क्रम भने नरोकिएको भन्दै विरोध भएपछि स्वास्थ्य मन्त्रालयले मंगलबारको लाइभ अपडेटमा भने काठमाडौं उपत्यकामा गरिएको आरडीटी परिक्षणको पनि नतिजा सार्वजनिक गरेको थियो ।

स्वास्थ्य मन्त्रालयका प्रवक्ता डा देवकोटाले आरडीटीमा पोजेटिभ देखिएकाहरुको संख्या बताए पनि उनीहरुको अवस्थाबारे कुनै जानकारी दिएका छैनन् ।



Basundhara -3 Kathmandu Nepal

सुचना बिभाग दर्ता नं - ११६६ /०७५/०७६
अध्यक्ष - रतन बहादुर चन्द
सम्पर्क न - ००977-9818610415
ईमेल - [email protected]
ब्यवस्थापक - ज्ञानेन्द्र प्रसाद भट्ट

हाम्रो बारेमा

Niatra Multi Media Pvt. Ltd.
सम्पादक - बिवेक विक्रम मल्ल
संवाददाता - अन्जनी चन्द
फोटो पत्रकार - आशिष न्यौपाने
इमेल - [email protected]

सामाजिक सञ्जालमा हामी

© 2017 Niatratv