काठमाडाैं १४ असोज । नेपाली साहित्यकार, सङ्गीत अन्वेषक एवं सिने निर्देशक प्रकाश सायमीलाई पितृशोक परेको छ । सायमीका पिता रत्नदास मानन्धरको ८३ वर्षको उमेरमा आइतबार बिहान ८ः५४ बजे निधन भएको हो । मधुमेहको बिरामी उहाँलाई केही दिनदेखि ललितपुरको मेडिसिटी अस्पतालमा उपचारको लागि भर्ना गरिएको थियो ।

पिताको उपचारकै क्रममा निधन भएको र अन्तिम समयमा परिवारका सदस्य साथमै रहेको उनका माइला छोरा प्रकाश सायमीले जानकारी दिएका हुन् ।

उनको आइतबार नै नेवारी परम्परा अनुसार शोभाभगवतीमा अन्त्येष्टि गरियो ।